自爆冇乜戀愛經驗　新人陳涵林靠幻想唱分手情歌感動人

2020-07-02 18:26

商界女強人Laura的「涵耀星際」力捧19歲美籍華裔女新人陳涵林(Karen)，繼去年推出了兩首單曲《風給的約定》及《當我變成了我們》後，最近再完成第三首個人單曲《餘熱》，定居美國候斯頓的Karen本來計劃在美國拍攝《餘熱》MV，但因疫情關係，一直被滯留在內地，未能飛返美國，所以索性留下繼續工作。

《餘熱》講述戀人分手後傷心及沉重的心情，Karen雖然年紀輕輕只得19歲，但在MV中能演繹戀人分手的傷感，甚至拍攝MV時現場有工作人員被她歌聲感動到流出眼淚，變成催淚MV。問到是否因為多分手經驗？Karen即否定說：「其實我真係冇乜拍拖經驗，好多同學、朋友失戀，都會搵我傾訴，聽得多投入咗及加入咗幻想嚟演繹，我始終覺得時間可以治療傷痛。不過，真係完全估唔到我啲演技及歌會搞到人喊，搞到咁催淚。」