母親節雀戰 梁漢文夫婦雙響炮「鋸」到母親一頸血
2020-05-11 11:00 
藉着昨天母親節，唔少子女向偉大嘅媽媽表達心意，唯獨啱啱申請到10月紅館個唱檔期嘅梁漢文(Edmond)卻唱「反調」，昨天他在社交網上載相片，其中一張相和遮咗雙眼嘅太太林文慧（Karen）、媽咪及家人打台灣牌，相中梁漢文和Karen齊齊打開牌，他還抵死地留言：「『鋸』到母親一頸血系列之雙響炮！」朋友取笑他：「叻仔！」有人睇唔過眼說：「你好壞！」、「母親節就鬆章啦！」、「auntie要食多啲！」不過，好彩兩夫婦唔係食大牌，所以梁媽媽唔會輸到入肉！
打麻將只係塘水滾塘魚，開心玩吓啫，之後家人開心同媽咪合照，只見梁媽媽坐喺張按摩椅上同親人輪住影，估計按摩椅係母親節大禮，Edmond還留言：「母親節大製作，有女模，有攝影，有燈光有埸記。」
關鍵字
最新回應