當年袁文傑出錢拍MV Kolor感謝世榮借出二樓後座

2020-06-27 16:51
Kolor受訪許文軒主持的節目。
Kolor受訪許文軒主持的節目。

樂隊Kolor受訪J2音樂訪談節目《我們的音樂時代》,分享他們組Band辛酸。成員羅斌說:「依家做Kolor就好似做緊一間細型嘅唱片公司,我哋冇簽公司之後,要自己行台、派歌、宣傳,做演唱會台燈聲、賣飛,乜都要自己落手搞,呢段時間雖然要做咁多嘢,但亦可以話幫到我哋學多咗嘢,等我哋唔使畀人欺負到,唔使好似簽咗約,佢話唔幫你出碟就唔幫你出,身為樂隊,反正寫歌作歌都係自己,唔爭在自己學多啲嘢、做多啲嘢。」

主音Sammy於節目中亦感謝百樂成就Kolor,說:「好似葉世榮咁,當時佢好慷慨借出二樓後座大家唔用嘅時間畀我哋用;另外亦有人突然話好欣賞我哋,喜歡我哋嘅作品,冇回報咁畀錢我哋拍MV,嗰個係袁文傑,嗰隻MV《尋因果》!(你哋本身認識?) 當時唔算真係認識,只係之前袁文傑係網台做主持時訪問過我哋,但依家我哋真係變咗朋友。」

Kolor受訪許文軒主持的節目。
Kolor受訪許文軒主持的節目。
二樓後座曾是Beyond的專屬Band房。
二樓後座曾是Beyond的專屬Band房。

袁文傑原來可以好搖滾。
袁文傑原來可以好搖滾。

關鍵字

最新回應

關鍵字

熱門文章