尖沙嘴驚現「女神套房」廚廁合體無遮掩雪櫃吊天花

成功上車是許多港人的夢想，但是香港樓價年年高企，不少人惟有入住「劏房」，但現時的居住空間愈「劏」愈細。網上近日流傳尖沙嘴驚現多間「女神套房」，僅需要6500月租，廁所零間隔相連廚房，雪櫃掛天花板。

有網民在facebook群組「爆笑貼圖區」上載多張驚現多間「女神房」放租，並指「業主免佣，尖沙嘴套房寶勒巷齊傢俬，未裝修完，$6500。」該網民發文表示，「傳說女神不如廁，Open Toilet 無問題； 叫得做女神梗係有42吋長腿, 雪櫃掛上天花板一樣拎到嘢； 迷你鋅盆洗杯就啱啱好， 女神一般唔會煮飯， 有埋洗衣機就最貼心，女神啲內衣褲就唔洗拎出街洗 ... 業主諗得好周到！」

從網傳圖片所見，廚房零間隔相連廁所，而雪櫃則掛在天花板，生得比較矮小的人都難以入住。

帖文一出引起大批網民熱論，有網民笑指，「不如廁所都要沖涼呱？難道女神陣仙氣係咁練成？」、「有限嘅空間換來無限想像」、「樓神手筆」、「嘆住冷氣沖涼，唔知會係咩感覺呢」；不過也有網民慨嘆，「香港人過緊啲乜嘢生活」、「要幾無人性先可以諗出咁嘅設計？」、「人嘅尊嚴何在」；亦有網民解釋到，「只係浴屏未裝。其實尖沙嘴美麗都，重慶好多單位係咁。一般人比較少見者。」