【維港會】大媽用腳踩過路掣被批 反駁稱：個個摸都污糟晒啦

經歷新冠肺炎一疫，香港人的衛生意識漸漸提高！不過，日前本港一名大媽用腳踩交通燈下面的「行人過路按鍵」，過程被路過的司機拍下，更直斥其不是，大媽卻反駁指「個個人喺嗰度摸，都污糟晒啦！」網民們紛紛大鬧大媽自私。

相中可見，一名大媽在等過馬路時，提起左腳，踩在「行人過路按鍵」上，有司機駕駛期間看到她的行為，於是停車向大媽直斥其不是，「用手架，唔係腳唔得架，用腳整污糟架！你整污糟咗嗰度呀，第二個係咪摸你腳板底呀？」大媽反駁指人人都摸「行人過路按鍵」，都污糟晒啦！

司機再與她理論，質問她「咁你都唔係用腳去踩嘛？第二個摸咁點呀？下一個摸咁點呀？」大媽再度反駁期間用手整理口罩，司機見狀再怒斥她：「你唔使戴口罩啦，使乜戴口罩啫，你咁污糟！」

司機一邊質問大媽，一邊把大媽的作惡過程拍下，但大媽態度依舊，更反問：「關你咩事？」後來，大媽更拿出手機，欲反拍司機。司機把影片放到網上，網民均斥責大媽的行為無公德心。

其實美國亞利桑那大學（University of Arizona）早前就有研究指出，鞋底暗藏著大量致病細菌，鞋底每平方英寸有約數十萬的細菌，在實驗中約96%的鞋子被驗出含有來自糞便的大腸桿菌。

而休士頓大學（University of Houston）的另一項研究指出，鞋底的「困難梭狀芽孢桿菌」比馬桶座墊上的高出3倍，該種細菌存活能力強，亦會導致腹瀉的問題。

Ohpama授權轉載