【維港會】夫外遇育4歲私生子 失業媽一湊三決離婚:唔想下半世痛苦

2020-06-15 22:37
失業港媽決定帶同三名子女離婚。Unsplash圖片
失業港媽決定帶同三名子女離婚。Unsplash圖片

在香港,一名三孩的媽媽在討論區發文,表示老公最近向她坦承出軌,更早已與情婦育有一個4歲大的私生子。雖然她指自己最近失業,但為了不想「自己過得咁痛苦」、「折磨到自己死」,因而下定決心選擇離婚,希望能夠早日重過新生活:「我唔想下半世都活喺痛苦,鬥爭之中,身心俱疲。」

該名媽媽以「老公啱啱認出軌」為題發文,表示自己與丈夫結婚16年,育有三個小朋友,年紀最細的孩子6歲,最大的則現正就讀小學六年級。她形容,由相識到結婚生仔幾近20年,兩夫婦的關係一直平平淡淡,甚少鬧交。

不過直至最近,媽媽在用電腦時,竟發現了一些有關報讀幼稚園的資料,於是便向丈夫查問。「佢初頭話幫同事搵資料,我再不停追問,佢終於自己承認有外遇。」

據她了解,情婦是丈夫的舊同事,對方的的老爺早已過世,而奶奶就已經非常年老,相信不會理會。但更意想不到的是,丈夫與情婦更已經育有一名4歲大的私生子。

「嘈完佢出咗去,最後一句話係:『我今晚唔返嚟瞓。』我可以點?個人好亂。」

媽媽表示,丈夫平時脾氣很好,雖然平時下班很晚才歸家,但在假日他都會陪子女打波、行山,因此從沒想過他會做出背叛自己的事。

「收入中等,唔係搵得多,細路又要補習,校車、學嘢,叫做夠,我之前有返工就自己洗同俾工人,其餘開資佢俾晒,其實應該都無剰幾多,唔知佢點養兩家。」

與好友傾談過之後,媽媽最終下定決心斬纜離婚,因為她不希望自己辛苦渡過下半世的人生。

港媽透露其丈夫有外遇。Unsplash圖片
港媽透露其丈夫有外遇。Unsplash圖片
失業港媽決定離婚。Unsplash圖片
失業港媽決定離婚。Unsplash圖片

「如果我有七十幾歲命,我仲有差不多一半人生可以開心咁過。我剩係唔想自己過得咁痛苦,我應該會選擇離婚,唔想困獸鬥過一世。」

至於丈夫的取態則是不想離婚,但媽媽就覺得即使他願意和情婦分開,但都無可能跟私生子分開,因此認為雙方離婚是最好的選擇。

「佢就算話我知佢已經bye bye咗個女人,我又會唔會相信?到時只會自己日日諗佢哋幾時會見面,唔通會唔再見?根本無可能,所以我真係唔想自己痴線。」

不過,媽媽透露,她幾個月前被公司解僱,一早都在找工作。不過慶幸現時的房子是家人留給她的,屬她的名下,而且一直有儲蓄,如果計算日後找到工、有收入,加上贍養費的話,應該足以應付小朋友的開支,以及聘請工人照顧家庭。


Ohpama授權轉載

失業港媽決定帶同三名子女離婚。Unsplash圖片
失業港媽決定帶同三名子女離婚。Unsplash圖片

最新回應

熱門文章