颱風天帶仔女去沙灘玩　吳日言林芊妤鬥晒D Cup噴血身材

兩位索媽林芊妤（Coffee）和吳日言（Yan）昨日無懼3號風球，一朝早帶埋寶貝仔女「翟伯伯」翟德彥及「Bea」林禧茹（Beatrice）去沙灘晒太陽玩沙，二人更於社交網大晒母子水着照，Yan留言：「呢兩個媽咪，3號風球帶BB去游水。#媽咪壞壞 #千祈唔好學 #眨吓眼就咁大個 #幾時生第二個 #又話掂下就有 #掂極都冇」相中，Coffee以三點式上陣大騷「至強Body」就睇得多，但Yan着超Deep V一件頭晒34D「八字波」就非常難得，身材Fit爆的兩人可謂搶晒B仔B女嘅Fo，不少網民都留言大讚：「生完都咁索」、「兩個都好fit」、「Hot mama... you made others jealous」，而同樣出名好身材的33C孫慧雪也留言：「下次親子日預埋我呀。」相信一班粉絲都好期待3位索媽晒Body嘅畫面。