望祖父節大流行 胡楓：愛錫啲孫多過仔女

李暉師傅連同胡楓（修哥）、姜大衞（John哥）、Joe Junior及謝雪心，為本周六（6日）直播的慈善節目《萬眾同心公益金》，綵排表演環節「養生太極老友記」。

問今年如何度父親節？修哥說：「呢個我唔理㗎，等啲仔仔女女發辦，叫我去東就去東，叫我去西就去西，都係等佢哋指示。」John哥非常同意這個做法。

修哥兒孫滿堂，出外慶祝可能觸及限聚令，修哥笑說：「8個人，咁要擺3圍喎！」修哥投訴祖父節並不流行，笑說：「做咗爺爺公公先知有幾愛錫啲孫仔，真係仲錫過自己啲仔女呀！」

John哥被問到可希望兒子姜卓文帶女朋友回家慶祝？他笑說：「依家無拍拖，雖然無講，但我睇得出。」