【維港會】同事調校冷氣低至5度 網民呻office凍到似雪房

2020-06-03 18:37
有網民上載圖片證明公司冷氣溫度可以調校至5度。(小圖:網民Nie Yip圖片)
有網民上載圖片證明公司冷氣溫度可以調校至5度。(小圖:網民Nie Yip圖片)

最近天氣炎熱,不過不少市民一返到辦公室就覺得寒風凜凜。有網民在facebook專頁「奴工處」投訴,其同事長期將辦公室冷氣溫度調校到10度以下,甚至得5度,令網民吹到病。

網民指,同事「靜雞雞」將冷氣校凍,網民本身怕凍所以在座位擺放幾件厚外套,誰不知同事變本加厲,因為「唔知邊部冷氣係打邊部,佢直接將所有冷氣教到10度以下,真係好離譜,最誇張調校到得5度」。網民稱,由於好多同事反映太凍,提高氣溫至19度左右,該同事於是校回10度以下。

網民就抱怨,「咁怕熱好心就買個風扇喺位喇,因為喺Office長期吹住,最後我真係吹到病咗」。帖文一出就引起熱議,有網民留言稱,「有無覺得自己提早體驗停屍間嘅感覺」、「較到咁凍,係殯儀館返工呀?」。

也有人質疑「請問邊款冷氣做到5度」,於是有網民上載圖片,證明一些舊款冷氣系統可以低至5度,形容「公司間房係雪房咁,玻璃長期有水珠」。

另外有人身同感受,透露「我凍到不停病,但公司經理仲要我病假都要返去公司頂人食飯,最後公司個經理,用唔健康做理由,唔俾我過試用,我去平機會投訴被殘疾歧視,驚動董事局,個經理和有份簽我走的直屬上司,公司即時俾兩個月通知她們起身離職」。

網民Nie Yip 圖片
網民Nie Yip 圖片

最新回應

關鍵字

相關新聞

熱門文章