【扮《獅子王》？】帶愛犬睇醫生　黃奕晨感慨：明白到健康的重要性

夏雨的兒子黃奕晨（Dixon）養了一隻松鼠狗仔叫「胡椒」，他不時都會在社交網分享愛犬的萌照，不過最近胡椒似乎病咗，昨日Dixon於Ig story透露帶對方去睇醫生，更留言向網友求救：「養寵物嘅朋友，有冇人有一間好嘅獸醫診所介紹，請DM我。」

隨後Dixon上載一張跟胡椒的合照，並有感而發寫道：「最近一星期明白到，健康的重要性，不論係我自己定係胡椒，大家都要多注意自己嘅身體。」事後又感激網民積極提供資料，還表示處理好事件後便逐一答謝。雖然呢件事都幾嚴肅，大家都祝福胡椒早日康復，但一向大細路的Dixon貼出的照片卻好「似曾相識」，事關相中的他向天高舉愛犬，跟迪士尼動畫《獅子王》中，拉飛奇高舉辛巴一幕經典場面十分相似，睇番啲舊相，原來Dixon細細個已經有鋪扮《獅子王》的癮，都幾搞鬼。