【結婚32年】黃日華太太器官衰竭離世　終年59歲

與黃日華結婚32年的梁潔華於2013年患急性骨髓性白血病，其後康復，可惜近年病情反覆，昨午因器官衰竭，在老公和女兒陪伴下在醫院離世，終年59歲。華哥接受訪問時，承認愛妻昨午4時安詳離世，兩父女陪在身邊，華哥坦言雖然不捨，但不捨不捨還需捨，要做的已經做晒。而太太與病魔亦鬥爭得好辛苦，曾在換骨髓後一度好轉，但近幾年要經常出入醫院。

黃日華指太太一周前不適入了港怡醫院ICU，情況一直惡化，終至昨日離世，因為白血病可以突然走得好快。華哥目前已著手搞愛妻後事，原本助手想代勞，但他堅持自己處理，今已取死亡證，問到女兒黄芷晴情緒？他表示未穩定，仍未接受；但女兒已大個女，識照顧自己，而且有他睇住。明天華哥會繼續為太太辦理後事。

對於黃日華太太梁潔華病逝，身為五虎的劉德華回應：「在心中」；而華哥波友吳岱融坦言從記者口中得知消息，因疫情關係跟黃日華有兩、三個月無見面，又指跟梁潔華曾於公眾場合見過面，只是點頭打招呼，他說：「希望佢（黃日華）快啲無事啦！」另一波友范振鋒，透過短訊回應說：「知道好難過！希望華哥同女女保重！」他表示華哥一直保密太太的病情，只知道他每日都忙於照顧家庭。