被質疑隔離期未滿偷走飯聚陳瀅提供「出關」短訊求清白

2020-05-22 17:36

由加拿大回港的陳瀅(Jeannie)，日前趁「520」這個示愛特別日子，跟好友蔡思貝、何雁詩、陳嘉寶、賴慰玲及吳嘉熙見面，並開心留言「spending 520 with people I love ♥️♥️♥️」。不過卻被質疑她未滿「14日強制隔離令」便偷走外出和好友飯聚！

事關她喺5月7日在IG出po話告別加拿大，5月8日抵港當日，還在IG的限時動態上載多張照片，顯示身在亞洲博覽館接受深喉唾液檢測。照計算，5月22日她才可自由外出，但她卻在5月20日已和好友飯聚。

陳瀅對此啼笑皆非，還提供通知她「出關」短訊給本報作證說：「我點會咁蠢呀！梗係唔會犯啲咁低級嘅錯誤啦！首先個個都要好認真咁去對待疫情，自己都唔例外，冇可能早過14日偷走；而且一直有手帶監控，亦會視像監察住，FaceTime嚟確定喺屋企，總之肯定居安抗疫呢14日內冇出過去。其實我5月2號一早返咗香港，只不過落機好攰，所以遲咗po圖文，抖足精神先至出po嚟同大家分享落機過程，事後好多人多謝我，話呢啲資訊幫到手，了解到到港程序。所以我5月16日一早可以出關。話我偷走簡直係笑話，真係偷走仲咁張揚，搏畀人拉咩！」至於回港後過兩周要拍新劇《七公主》，緊接拍《飛虎3》。