520父子晒愛　黃祥興狂咀萌爆囝囝勁High

昨日「520（我愛你）」網絡情人節，不少Couple都於社交網貼合照放閃，已為人父的黃祥興就比較另類一點，他並沒有晒與愛妻Peggy的相片，反而上載了一條父子咀嘴片！片中，3個多月大的細仔Damien躺在梳化上，祥興就瘋狂地一啖一啖錫落囝囝嘴仔度，非常有愛；當爸爸錫到第3啖時，本來好似嚿番薯、唔知發生乜事的Damien亦都開始好興奮，眨晒眼、笑晒口之餘，一雙好似麵團的手仔仲係咁揈，連黃翠如姨姨都忍唔住留言：「Sosososo sososososo cute.」相信翠如同蕭正楠將來個Baby都一樣咁cute，快啲生番個啦！