戰鬥民族玩閉門私了 《睇你幾時死！》幫條女報仇

首先好鍾意個戲名，近一年成日講，係一套俄羅斯電影，究竟講乜嘢?新聞稿咁樣寫，「戰鬥民族式為女死為女亡，觸發一場閉門大「私」殺！一名年輕的古惑仔找上門，要找傷害他最愛的女友復仇 ， 對方不但是他女友的父親，更是一位貪贓枉法的警察。」咦!!!!!!!!!!

故事係咁樣嘅，有個男人叫安德烈，佢係警察亦係奧莉婭爸爸，但阿女好憎佢，仲恨不得佢死，因為自幼飽受父親性侵犯，所以就叫自己條仔去隊冧個賤格老竇，於是阿麥威，即奧莉婭男友就拎個鐵鎚去做正義嘅事，當然唔容易，然後全屋傢電變晒武器，屋企困獸鬥，周圍都係血，睇預告都睇到好爽。