【母親節】張栢芝誓盡努力守護兒子 謝婷婷被囡囡踢醒最幸福

張栢芝在今個母親節，特別拍了一條分餘鐘的短片，內容是跟謝振軒（Lucas）、謝振南（Quintus）和細仔張禮承（Marcus）的生活片段，及栢芝帶Lucas和Quintus玩高卡車，栢芝配以旁白：「親愛嘅仔，今日係母親節，每年呢一日我都覺得特別幸福，因為你哋嚟咗呢個世界。呢個節日對我嚟講非常有意義，媽咪曾經都係一個細路女，都會怕黑，都會流眼淚，但係有你哋之後，媽咪變得愈嚟愈唔驚，我會帶你哋去玩『好勇敢嘅遊戲』，培養你哋成為真正嘅男仔。媽咪亦都好矛盾，想要睇住你哋跑喺其他小朋友前面，但又忍唔住一直回頭看，確保你哋嘅安全。依家你哋賽車都開得好好啦，等你哋長大之後，真正喺道路上行駛，都要記得依家學到嘅安全知識，好好咁保護自己，亦都保護其他人。唔理點樣，你哋永遠都會係媽咪最驕傲嘅男仔，媽咪希望你哋心中有愛，做一個善良、強大嘅人，依家我盡我嘅努力，去守護你哋每一個，等你哋大個之後，就換角色，等你哋守護返媽咪一樣，母親節快樂！」
栢芝還留言：「每個寶貝都是媽媽的軟肋，也是最堅實的鎧甲。陪伴是媽媽們最溫暖的守護，母親節快樂」。

另外，Lucas和Quintus的姑姐謝婷婷，去年宣佈誕下女兒，今年2月為囡囡Sara慶祝1歲生日，今日她貼上跟女兒的腳仔合照，留言：「沒有甚麼比做你的媽媽，每天都愛上你，然後用你的腳在我的臉中醒來更好的了，整個世界給我也不會用這個來交換。」