【勁呀】逆齡十六年 51歲袁文傑 街頭健身Keep fit
2020-05-09 12:00 
51歲型男大叔「游生」袁文傑高大威猛，入行32年仍然保養得宜，Fit到爆，被讚外表完全唔似真實年齡，他自爆早前做身體測試、測試身體年紀結果係得35歲，聽見都飄飄然。
原來「逆齡」16年嘅秘決係勤做運動，就算之前受新冠肺炎影響，健身室關閉，但無阻他操肌決心，昨日他喺IG放片，片中袁文傑喺公園入面，利用公園長凳、鋼架做掌上壓、平板支撐、吊腳壓腹等運動，大熱天氣下做街頭健身，袁文傑辛苦到依牙鬆槓，真係少啲恆心同耐力都唔得。
他留言說：「剛剛起步學習一啲體能+技巧的健身運動（類似街頭健身），但之前健身院要暫停開放，幸好教練陪同下在公園鍛錬，也上了10堂左右，希望能keep住狀態，尤其是剛剛起步，不想驟然停止。當然，自己明白這年紀才去學習這些，體能跟年青人沒法可比，也必然事倍功半，但做得幾多得幾多，要在艱難之中找到滿足感……」黃浩然即讚他做得好好喎，加油！也有人指他好正，大叫「游生」努力。
不過，「游生」對本報記者說，因為健身室可重開，他應該會入返去健身：「其實玩開運動，即使移師戶外都唔會太辛苦，除非太曬先會辛苦一啲。」
關鍵字
最新回應