【頭條獨家】陪父母食上海菜 劉雅麗又食又講唔衛生

講起劉雅麗，之前只記得佢做開舞台劇，係資深舞台劇演員，好唱得，不過自從佢曾經義載過被的士拒載女生返歸後，畀人感覺唔同晒，貼地咗，頭頂仲隱約見到光環。日前傍晚，呢期好活躍嘅劉雅麗同父母去銅鑼灣食上海菜，孝順女同雙親邊食邊傾，但呢期又食又講唔多衛生喎。採訪:梁志明

劉雅麗呢期頻頻出鏡，之前仲出席同心抗疫捐口罩活動，佢喺現場表演網民二次創作、改編自她的經典歌《你為了愛情》的《你你你為了肺炎今天不冷靜》。因為呻買唔到口罩之後得到好多口罩嘅劉雅麗透露6月及7月會同媽媽開演唱會，笑言捧紅73歲嘅媽媽，佢就可以收山了，希望到時香港重回正軌無晒事啦。

好多嘢講
劉雅麗同父母關係一向好好，佢坦言希望媽媽身體狀態良好還媽媽開演唱會嘅心願。當日，由劉雅麗揸車同兩老去咗銅鑼灣食上海菜，做女嘅將架車泊咗係餐廳附近，兩老就慢慢行去食嘢，由個女發辦，食咗炸排骨同菜飯加多個小食，食咗一個鐘，其間，做女嘅好多嘢講，邊食邊傾當然開心，以前無問題呀，但家陣就唔多適合，下次食完戴返個口罩再慢慢傾啦。