【头条独家】陪父母食上海菜 刘雅丽又食又讲唔卫生

讲起刘雅丽，之前只记得佢做开舞台剧，系资深舞台剧演员，好唱得，不过自从佢曾经义载过被的士拒载女生返归后，畀人感觉唔同晒，贴地咗，头顶仲隐约见到光环。日前傍晚，呢期好活跃嘅刘雅丽同父母去铜锣湾食上海菜，孝顺女同双亲边食边倾，但呢期又食又讲唔多卫生喎。采访:梁志明

刘雅丽呢期频频出镜，之前仲出席同心抗疫捐口罩活动，佢喺现场表演网民二次创作、改编自她的经典歌《你为了爱情》的《你你你为了肺炎今天不冷静》。因为呻买唔到口罩之后得到好多口罩嘅刘雅丽透露6月及7月会同妈妈开演唱会，笑言捧红73岁嘅妈妈，佢就可以收山了，希望到时香港重回正轨无晒事啦。

好多嘢讲
刘雅丽同父母关系一向好好，佢坦言希望妈妈身体状态良好还妈妈开演唱会嘅心愿。当日，由刘雅丽揸车同两老去咗铜锣湾食上海菜，做女嘅将架车泊咗系餐厅附近，两老就慢慢行去食嘢，由个女发办，食咗炸排骨同菜饭加多个小食，食咗一个钟，其间，做女嘅好多嘢讲，边食边倾当然开心，以前无问题呀，但家阵就唔多适合，下次食完戴返个口罩再慢慢倾啦。