袁偉豪證冇彈弓手Unlike 謝東閔寸黎振燁再講大話：佢自己知
2020-05-01 16:50 
「偷食人夫」黎振燁（Jackson）昨日拖大肚妻現身父母海麗邨寓所附近，他更向傳媒聲稱：「相信我可以抽離，做番幾個禮拜前真正嘅我。」又承諾不再重覆犯錯，希望一人做事一人當，外間唔好騷擾太太。對此，被網民封為「綠帽俠」嘅謝東閔今日凌晨則於Instagram（Ig）鬧爆留言：「點解一個人用完謊言巧語之後還可以站出來講大話 #黎振燁」此Po一出，一眾圈中好友袁偉豪（Ben）、周志文（阿文）、林子善、吳若希、郭子豪、王卓淇等紛紛派Like，以示支持；未幾，有報道卻忽然指一眾TVB藝人彈弓手Unlike該帖文，懷疑是公司向眾人施壓！
不過記者翻查謝東閔的Ig後，發現Ben、林子善、阿文等仍顯示有Like該Po，事後Ben更向傳媒表示：「我冇彈弓手喎！」至於Jackson到底說了甚麼大話？謝東閔僅答：「如果呢啲大話，可以挽救到一個孕婦嘅心同一個家庭，我會啃咗佢，至於佢再出嚟講嗰啲係咩大話，佢自己知！」並強調相信女友朱智賢，會跟對方一齊捱過這段日子；而Jackson則表示冇回應。
關鍵字
最新回應