【維港會】譚文豪賣雞蛋仔 親民落區爭選票

泛民爭取九月立法會選舉「過半」，公民黨譚文豪都出晒力，繼早前去「黃店」做義務店員賣飯糰與市民近距離接觸，昨日又去另一間黃店幫手賣大家由細食到大嘅雞蛋仔，仲即場親手整嚟賣，反應唔錯。　

譚文豪昨日去藍田一個商場的一間黃色小食店，當起義務店員，邊整邊賣雞蛋仔。他一早講明細細個放學去買雞蛋仔，已經覺得好好玩，終於有機會畀佢落手試整，睇佢上載社交網站啲相，一臉認真。咁賣足兩個鐘，他整嘅雞蛋仔見唔見得人？他就引述老闆話手法有待改善，但時間控制得唔錯，夠晒脆。有網民留言，叫曾當機師嘅譚文豪去揸的士體驗吓幾難捱，他即回話想㗎，先決條件是搵到黃的台先得。