【维港会】谭文豪卖鸡蛋仔 亲民落区争选票

泛民争取九月立法会选举「过半」，公民党谭文豪都出晒力，继早前去「黄店」做义务店员卖饭团与市民近距离接触，昨日又去另一间黄店帮手卖大家由细食到大嘅鸡蛋仔，仲即场亲手整嚟卖，反应唔错。　

谭文豪昨日去蓝田一个商场的一间黄色小食店，当起义务店员，边整边卖鸡蛋仔。他一早讲明细细个放学去买鸡蛋仔，已经觉得好好玩，终于有机会畀佢落手试整，睇佢上载社交网站啲相，一脸认真。咁卖足两个钟，他整嘅鸡蛋仔见唔见得人？他就引述老板话手法有待改善，但时间控制得唔错，够晒脆。有网民留言，叫曾当机师嘅谭文豪去揸的士体验吓几难捱，他即回话想㗎，先决条件是搵到黄的台先得。