【維港會】田北辰走勻新界 快閃派5.5萬口罩

立法會選舉九月舉行，新界東議員、實政圓桌田北辰，近來明顯新界東西兩邊走，仲拉埋黨友莊豪鋒，在過去八日快閃新界東西十八個口罩街站，走勻元朗屯門天水圍荃灣葵涌青衣東涌上水粉嶺沙田大圍，共派五萬五千個口罩。　

田北辰在社交網站話，最近決定快閃落區派口罩，用多元化方式，可以多些受眾。他坦言，𠵱家社會口罩供應夠不夠、是否個個都負擔得起，落區兜個圈就知答案，他見到依然有居民戴住發黃嘅口罩，又依然有人同佢講已經多日重用口罩，「我哋希望呢個快閃行動，搵到、幫到更多有需要嘅居民」，所以他會持續派，希望幫得一個得一個。他咁落力，除了自己要穩守新西，似乎一如傳聞對在新東搶灘都有些興趣喎！