星島日報

【頭條獨家】花店做兼職保生計 陳蕊蕊慳錢捱杯麵

2020-04-16 22:30
暫時冇嘢撈的蕊蕊惟有靠副業保生計,近日她則於朋友的花店做兼職。
暫時冇嘢撈的蕊蕊惟有靠副業保生計,近日她則於朋友的花店做兼職。

新冠肺炎在港爆發至今約兩個半月,對本港經濟及各行各業造成巨大衝擊,圈中不少藝人更苦呻工作量大減,早前陳蕊蕊也自爆兩個月零收入,大部分幕前工作亦紛紛煞停,好似原定本月中公演的舞台劇《戀上12星座》日前都宣佈延期。暫時冇嘢撈的蕊蕊惟有靠副業保生計, 據悉近日她於朋友的花店做兼職,日前她就獨自於銅鑼灣街頭覓食,惜蕊蕊連茶餐廳都唔捨得幫襯,最終買Cheap Cheap杯麵醫肚,可謂慳到盡。採訪:譚壹致、黎寶倫

暫時冇嘢撈的蕊蕊惟有靠副業保生計,近日她則於朋友的花店做兼職。
暫時冇嘢撈的蕊蕊惟有靠副業保生計,近日她則於朋友的花店做兼職。
目前零收入的蕊蕊為慳錢,Lunch捱杯麵。
目前零收入的蕊蕊為慳錢,Lunch捱杯麵。

陳蕊蕊於2月底出席公開活動時,已自爆兩個月零收入,她嘆道:「停咗好多工作,尤其係返內地嘅工作都Cut哂,好彩自己都有副業幫補吓。」除了經營網店賣吓護膚、纖體用品外,早於去年報讀插花課程的蕊蕊,原來仲喺朋友間花店做兼職,賺生活費。日前Lunch Hour,穿露肩裝襯短褲仔的蕊蕊獨自現身銅鑼灣街頭覓食,其間,見她在餐廳門前揭Menu,未知是否近50蚊一個Set都嫌貴呢?蕊蕊考慮一輪後都冇幫襯,最終走到隔離的便利店買嘢食,精挑細選約10分鐘,卒之買了一個10蚊有找的杯麵醫肚,認真慳家!

蕊蕊近日在朋友花店做兼職,紮花、搬貨一腳踢。
蕊蕊近日在朋友花店做兼職,紮花、搬貨一腳踢。
蕊蕊在銅鑼灣街頭覓食,見她在餐廳門外揭了一輪Menu都冇幫襯。
蕊蕊在銅鑼灣街頭覓食,見她在餐廳門外揭了一輪Menu都冇幫襯。

熟手技工
隨後,蕊蕊返回附近的樓上花店開餐,脫下口罩後,她都好乖地消毒完雙手先進食,仲連剩下的湯汁都唔放過,真係好「惜」食!吃飽後,笠上圍裙的蕊蕊便拉出花架、膠桶等工具,到大枱前跟友人一起開工紥花,見她紥得有板有眼,估計已兼職好一段時間,不過每單Job平均賺數百蚊,以現在時勢,相信一個月頂多袋得4位數。被問到靠副業收入夠過活嗎?蕊蕊透過電話回覆:「掹掹緊,始終大家嘅消費慾低咗,網上生意都麻麻哋,而家月入唔過5位數,所以呢兩個月都搣緊積蓄,好在最近出少咗街,用少咗錢。」

最終蕊蕊去了便利店買杯麵醫肚。
最終蕊蕊去了便利店買杯麵醫肚。
開餐前,蕊蕊除低口罩兼消毒雙手,防疫意識很高。
開餐前,蕊蕊除低口罩兼消毒雙手,防疫意識很高。
食飽飯即開工,蕊蕊儼如熟手女工很快便紮好一束花,身旁好友都讚好。
食飽飯即開工,蕊蕊儼如熟手女工很快便紮好一束花,身旁好友都讚好。

最新回應

關鍵字

相關新聞

熱門文章