【維港會】醫生爸爸沙士前線抗疫 17年後女兒同入Dirty Team

中大醫學院分享前線抗疫醫護的故事，實習醫生江嘉愉Alcina的爸爸是兒科醫生，當年沙士亦是Dirty Team前線醫護，而她同樣入了Dirty Team，在第一線抗疫。

Alcina說，自己還是7歲小朋友時，一開始覺得爸爸不在家非常自由，但日子久了，小女孩開始感到有異，「後來我先知道因為有沙士，所以爸爸唔可以返黎睇我地。」爸爸當年更曾經交代身後事，因他曾為一名後來確診沙士的病人插喉，需要隔離14日。「有一日爸爸特登打返黎，語重深長咁同我講，大個咗要點點點呀咁。」

加入Dirty Team這個決定，爸爸曾經力勸Alcina要再三考慮，甚至每日都會找一個原因嘗試說服她。「邊有呀爸想自己個女行到最前架啫。」爸爸坦言，自己當時也是一腔熱血，但其實已經有了女兒，再讓他選擇一次或會不一樣。後來爸爸明白女兒的決心不易動搖，就在Alcina搬到宿舍前，爸爸將他自己當年在Dirty Team打仗時用的護目鏡送給女兒，「呢個sort of一個叫做平安符，畀你完好無缺咁出返黎」。

而入了Dirty Team兩個星期，Alcina才在宿舍樓下見到爸爸一面。相隔兩隻手臂的距離，爸爸為她遞上一袋橙，叮囑她緊記要吃水果，然後就離開了。「當刻望住佢嘅背影，我明白當年佢要離開屋企人係好艱難嘅決定。」但她說，自己和爸爸性格其實很似，「一旦決定左做一樣野，其實都無咩人可以動搖得到。」