星島日報

【頭條獨家】同文頌嫻隔17年再談情 歐錦棠睇片爆喊嚇親老婆

2020-04-13 22:55
文女強調雖然同阿棠好有默契,但相信阿棠最佳拍檔首位一定是老婆萬斯敏。
文女強調雖然同阿棠好有默契,但相信阿棠最佳拍檔首位一定是老婆萬斯敏。

歐錦棠監製兼主演、以空手道做主題的ViuTV新劇《打天下》,本周開始播出,今次阿棠搵來02年《烈火雄心II》演情侶大受歡迎的最佳拍檔文頌嫻,再合演師兄妹。兩人雖然相隔多年冇合作,但埋位默契依然,劇中兩人感情唔再玩輕鬆搞笑,反而好刻骨銘心,阿棠仲自爆睇片時,一度爆喊嚇親身邊老婆萬斯敏。採訪:杜淑霞

文女強調雖然同阿棠好有默契,但相信阿棠最佳拍檔首位一定是老婆萬斯敏。
文女強調雖然同阿棠好有默契,但相信阿棠最佳拍檔首位一定是老婆萬斯敏。
阿棠大讚43歲的文女,依然有點少女味,keep得好好。
阿棠大讚43歲的文女,依然有點少女味,keep得好好。


阿棠和文女早在亞視年代已合作演情侶多次,而最後一次合作是05年TVB劇《驚艷一槍》,之後兩人都鮮有聯絡,阿棠想起搵文女原來是睇ViuTV節目,「見到佢上周家蔚個節目,原來佢仲會做幕前,咪試吓搵佢囉!其實我哋真係好多年冇聯絡。」文女就話:「佢算係我最佳拍檔嚟,所以只要佢就到時間畀我湊女就冇問題,同埋佢份人要求高,佢有份監製,製作一定認真啦!」

阿棠就係睇番呢場戲,自己都忍唔住爆喊囉!
阿棠就係睇番呢場戲,自己都忍唔住爆喊囉!
萬斯敏負責該劇選角工作外,還飾演談善言媽咪。
萬斯敏負責該劇選角工作外,還飾演談善言媽咪。


後期險受疫情影響
相隔多年冇合作,阿棠絕對冇後悔搵文女演出,「文女第一日開工,導演兼監製高林豹都話,你真係冇搵錯人呀!」文女亦話:「真係好奇怪,雖然咁多年冇合作,但係一埋位默契就返嚟。」02年《烈火雄心II》阿棠和文女由師母和徒弟發展的感情,既輕鬆又搞笑,不過今次演師兄妹產生的愛情又是另一種味道,阿棠解釋:「我哋呢段算係劇中最完整嘅一段感情線,係刻骨銘心嗰種。」不過文女強調,「我哋唔會做埋啲好骨痺嘅嘢,好嘔飯嗰啲戲我做唔到㗎!」阿棠仲自爆做後期時,睇兩人感情戲時嚇親老婆萬斯敏,「嗰日我老婆睇緊電視,我就坐喺側邊睇片,點知睇到我哋喺涼亭嗰場戲,忍唔住喺度爆喊,嗰吓老婆都畀我嚇親呀!」棠哥又話疫情影響了該劇在北京後期工作,好彩最終趕得切;而文女的7歲囡囡由於停學在家,她就忙於陪囡囡上堂及解悶。

阿棠最開心邀請到一班空手道高手參與演出,包括殿堂級的倉田保昭。
阿棠最開心邀請到一班空手道高手參與演出,包括殿堂級的倉田保昭。
文女話囡囡知道她當日要開工,反而好開心,「佢停課後日日對住我,佢都想放吓監呀!」
文女話囡囡知道她當日要開工,反而好開心,「佢停課後日日對住我,佢都想放吓監呀!」

最新回應

關鍵字

相關新聞

熱門文章