許冠傑開騷為港人打氣 孫仔孫女隔空捧場力撐

歌神許冠傑（Sam）昨日開騷為港人打氣，全港巿民可透過網上平台免費任睇，而且歌神Sam全程冇欺場，一個小時演出唱足20首經典歌，難怪令不少港人感動，紛紛讚他是「真香港歌神」。其實歌神Sam演出時，除了有大仔懷恩上台力撐外，原來冇在現場的孫仔孫女一樣隔空為爺爺打氣。

歌神Sam的細仔懷谷，就在社交平台䀡出一對仔女在家睇住直播撐爺爺，3歲多的大仔Tyler仲睇得相當入神，而今年1月先出世的細女Leah雖然太細未識欣賞，但瞓在床仔一樣眼仔睩睩望住電視上的爺爺。至於懷谷亦留言感謝有份欣賞爸爸演出的歌迷，其實香港要多謝歌神先至啱啦！