星島日報

【頭條獨家】約友人Happy Hour吹水 張建聲放負後一身鬆晒

2020-04-13 19:52
其間友人撳手機,張建聲悶到咬手指。
其間友人撳手機,張建聲悶到咬手指。

受社會運動和疫情影響,影視界進入了冰河時期,身為多產演員的張建聲(Justin)近來都十分愁,不時於社交網出Po放負。在酒吧停業令實施前,他就相約朋友到銅鑼灣飲酒兼吹水,在友人開解下,Justin終於識笑,再煲多幾口煙,成個人Relax晒!採訪:梁志明

其間友人撳手機,張建聲悶到咬手指。
其間友人撳手機,張建聲悶到咬手指。
多得友人開解,張建聲笑到見牙唔見眼。
多得友人開解,張建聲笑到見牙唔見眼。

張建聲為拍戲去到好盡!其主演的ViuTV新劇《打天下》昨日啟播,去年拍攝該劇期間,他不單止被武師凌空飛腳踢到爆缸,其後仲為自監自演的電影《作家的謊言:筆忠誘罪》撞崩牙,可謂極大犧牲!雖然《作》片上映期間,撞正社會運動致票房唔理想,但該片後來獲邀成為美國芝加哥「亞洲躍動電影展」閉幕電影,為Justin 打下強心針,近日更索性撈過界做「編劇練習生」,無奈又遇着新冠肺炎大爆發,他也坦言:「身心俱疲。」搞到日日靠煲煙同飲酒消愁!

友人中途行開,張建聲拎出電話狂撳。
友人中途行開,張建聲拎出電話狂撳。
張建聲在戶外茶座吹水兼煲煙。
張建聲在戶外茶座吹水兼煲煙。

悶到咬手指
早前傍晚5時許,Justin相約好友到銅鑼灣百德新街某餐廳Happy Hour,兩人於戶外茶座飲吓啤酒、吹吓水,暢談甚歡,其間他更不時放聲哈哈大笑,相信都舒了不少壓。中途友人行開,Justin即拎出電話狂撳,朋友返到嚟亦一齊做低頭族,悶到他都忍唔住咬手指,結果頂唔順Dead air,他都借尿遁去唞啖氣,不過從廁所回來後,Justin就開始邊傾邊扯煙。逗留約1小時,兩人才一起Call車離開,在等車的短短數分鐘,他又爭取時間企喺路邊「呼吸」一下,醒神晒!

話明Happy Hour,張建聲梗係要隊番兩杯啤酒啦。
話明Happy Hour,張建聲梗係要隊番兩杯啤酒啦。
張建聲近來撈埋幕後,早前密密與團隊開會度劇本。
張建聲近來撈埋幕後,早前密密與團隊開會度劇本。
新冠肺炎殺到停晒工,數月前張建聲與喇英就即興遊日本,兩人更於滿天雪花下晒HeHe情。
新冠肺炎殺到停晒工,數月前張建聲與喇英就即興遊日本,兩人更於滿天雪花下晒HeHe情。

最新回應

關鍵字

熱門文章