星島日報

【超感動】報喜10隻狗BB出世後有下文 肥媽人工呼吸救11哥1粒鐘

2020-04-11 17:31
肥媽經過一小時努力救活了一直沒呼吸的11哥。
肥媽經過一小時努力救活了一直沒呼吸的11哥。

肥媽(Maria cordero)昨日在社交網宣佈家有喜事,發文稱愛犬Sasa由昨早作動,到晚上誕下10隻狗BB後,肥媽再發片為一隻狗BB做人工呼吸的片段,幸好最終給她救回,但狗仔一直躺在她心口睡,忙到清晨5時多她才有得睡覺休息。
睡醒後肥媽才有空發文,分享昨日經歷:「忙左(咗)咁耐,終於可以坐低將昨晚完整的故事跟大家分享,其實昨晚發生咗一啲小意外,就係同大家報喜後,11哥突然間出世,但佢一出世就無呼吸,而Sasa都無辦法幫佢,我都唔知點做,我當下只係希望人工呼吸能幫佢,但我不斷試,點整佢都唔郁。
「其實我原本無打算同大家分享,因為我以為救唔返,都唔係咩開心的事,因為中間隔左(咗)一個鍾頭都無呼吸,但我真係唔想放棄,當我最後繼續做人工呼吸之後,我將佢攬住,用自己體溫俾(畀)佢,11哥突然奇蹟咳左(咗)一下,我真係好感動好感動。


「我真係當佢地(哋)都係自己的孫,都係生命去照顧,佢地(哋)係我最好的親人,可能我未必所有步驟都做得岩(啱),但感恩感恩,最後11哥可以救得返,最後11隻狗仔原原(完完)整整。」
有網民問肥媽「是否打算自己養返晒11隻」,「你應該會留返11哥喺你身邊」,更有點明「留4及11」,肥媽亦回覆,「你哋真係醒,我一定會留返11」、「你哋咁醒嘅,我老公話要留返阿4」;還有很多說看著肥媽救回11哥時感動到喊。

最新回應

關鍵字

相關新聞

熱門文章