【超感动】报喜10只狗BB出世后有下文 肥妈人工呼吸救11哥1粒钟

肥妈（Maria cordero）昨日在社交网宣布家有喜事，发文称爱犬Sasa由昨早作动，到晚上诞下10只狗BB后，肥妈再发片为一只狗BB做人工呼吸的片段，幸好最终给她救回，但狗仔一直躺在她心口睡，忙到清晨5时多她才有得睡觉休息。
睡醒后肥妈才有空发文，分享昨日经历：「忙左（咗）咁耐，终于可以坐低将昨晚完整的故事跟大家分享，其实昨晚发生咗一啲小意外，就系同大家报喜后，11哥突然间出世，但佢一出世就无呼吸，而Sasa都无办法帮佢，我都唔知点做，我当下只系希望人工呼吸能帮佢，但我不断试，点整佢都唔郁。
「其实我原本无打算同大家分享，因为我以为救唔返，都唔系咩开心的事，因为中间隔左（咗）一个锺头都无呼吸，但我真系唔想放弃，当我最后继续做人工呼吸之后，我将佢揽住，用自己体温俾（畀）佢，11哥突然奇迹咳左（咗）一下，我真系好感动好感动。

「我真系当佢地（哋）都系自己的孙，都系生命去照顾，佢地（哋）系我最好的亲人，可能我未必所有步骤都做得岩（啱），但感恩感恩，最后11哥可以救得返，最后11只狗仔原原（完完）整整。」
有网民问肥妈「是否打算自己养返晒11只」，「你应该会留返11哥喺你身边」，更有点明「留4及11」，肥妈亦回覆，「你哋真系醒，我一定会留返11」、「你哋咁醒嘅，我老公话要留返阿4」；还有很多说看著肥妈救回11哥时感动到喊。