【唔好去現場聚眾】網騷非籌款活動 許冠傑：乖乖地留喺屋企睇我

歌神許冠傑自宣佈將於周日（4月12日）下午5時在海港城天台舉行網上演唱會後，擔心粉絲到場追星，許冠傑昨日在fb呼籲：「各位親愛既（嘅）粉絲，知道你好想見我同現場睇我開SHOW，但係因為疫情嚴重，我想用歌聲去帶正能量俾（畀）所有香港人同你地（哋），希望你地（哋）都乖乖地留係（喺）屋企睇我，一齊留家抗疫！」
創作總監鄭丹瑞（阿旦）與演唱會製作總監蕭潮順亦於網上特別重申，這次演唱會目的只為「疫境」中的業界手足及香港人打氣，並非一個籌款活動，現場亦不設觀眾席，純粹是一個免費的網上演唱會。
為配合政府禁止群眾聚集的規例，場地將實施嚴格的出入管制，活動場地只許工作人員進出，嚴禁任何公眾人士進場。阿旦再次叮囑粉絲：「大家留喺屋企睇，千祈唔好去到現場，我哋唔好聚眾，唔好超過4個人！」
二人還透露，於演唱會大概進行至香港時間下午5時30分，可於各人所在的地方，走到窗邊、露台，一同合唱最後3首許冠傑陪伴全球華人共同成長的金曲—— 《鐵塔凌雲》、《浪子心聲》、《同舟共濟》，藉着澎湃的合唱歌聲，凝聚全球華人的精神力量，跨過困境，向未來注入新能量，戰勝這場生死難關。