【救世煮】結婚11年依家先知 丁子高讚千嬅：乜原來你咁勁

楊千嬅與老公丁子高及囝囝上月27日由澳洲返港，一家三口仍在家裏進行14日檢疫隔離。連日來丁子高都在社交網上載老婆炮製美食片段，丁子高一早已謂：「咁落去好快變豬，日日做運動都唔掂」。
繼之前不同甜品後，這幾晚千嬅玩新意思，一連三晚，咕嚕肉後來個粉絲蟹煲，昨晚則是魚香茄子煲。丁子高留言：「#今晚都係煲 #丁太魚香茄子煲 #好好食 #真係好好食 #乜原來你咁勁 #繼續努力 #我唔介意㗎 #屋企有個大廚 #BePositive #丁太廚房 #救世煮 #蛋糕女王 #多功能老婆 #StayHome #KeepSafe #居安抗疫」。
丁子高讚到詞窮，只能重複再讚「好好食」、「真係好好食」，但結婚11年，丁子高終於發現老婆「乜原來你咁勁」！ 在網民多次建議「開Live教學」下，今次已進展到有食譜，網民都大讚，但仍然認為「必須直播」。