【停辦港姐】TVB指受疫情影響　冠軍黄嘉雯：噚日先收到消息

新冠肺炎肆虐全球，本港累計個案接近破千，政府更實施「限聚令」，TVB亦憂慮到疫情影響，決定破例停辦第48屆《2020香港小姐競選》，由於去年港姐冠軍黃嘉雯、亞軍兼最上鏡小姐的王菲及季軍古佩玲未能正式卸任，三甲港姐頭銜會再沿用1年，變相三人能冧莊，史無前例做足兩年港姐。

TVB就停辦《香港小姐競選》回覆傳媒查詢：「無綫舉辦年度盛事《香港小姐競選》，每年決賽定於八月下旬舉行，而前期招募及宣傳工作會於同年四月展開。鑑於新冠肺炎疫情全球肆虐，未有緩和跡象，大會決定今年暫停舉行，以保障香港及海外參賽者健康。2019香港小姐冠軍黄嘉雯、亞軍王菲、季軍古佩玲及友誼小姐陳熙蕊，亦會與歷屆港姐,繼續肩負起推廣香港之使命。另，原定今年二月中旬舉行之《2020國際中華小姐競選》，較早前因疫情影響需作延期，現亦決定今年暫停舉行。」

應屆港姐冠軍黃嘉雯，對於就停辦新一屆港姐表示：「我都係噚日先至收到呢個消息。面對疫情影響，我相信大家𠵱家都好努力抗疫，雖然取消港姐真係好可惜，但我都支持公司嘅做法，因為佢哋都係以佳麗們同工作人員嘅健康安全為考慮，始終過程都可能會有危險，大家又無可能長期帶口罩等等，希望大家同心協力渡過難關，疫情快啲過去先係最重要！」