星島日報

【頭條獨家】演慣兄妹太入肉 蔣家旻羅天宇扮情侶勁尷尬

2020-04-05 20:40
天宇和家旻講到兩人扮情侶尷尬,大家都忍唔住勁笑。
天宇和家旻講到兩人扮情侶尷尬,大家都忍唔住勁笑。

羅天宇和蔣家旻最近拍檔演出,麥秋成自編自導自演愛情微電影《戀戀季節—冬至篇》,他們演兄妹就演得多,估唔到扮情侶反而會尷尬。對於跟緋聞男友麥秋成合作,蔣家旻坦承都有擔心,但對方不怕自己亦冇所謂。今次在日本鳥取拍攝雖然時間緊迫,每日只得3、4小時休息,但他們不覺得辛苦,只是羅天宇差點上不到飛機返港開工,結果坐了一程貴過飛機的士。撰文:杜淑霞 攝影:李維隆 髮型:Jay Cheung @ Hair(蔣家旻) 服裝:Amelie Street(蔣家旻) 場地:Wahaha Partyroom

其實天宇和家旻外形好合襯,扮情侶完全冇違和感。
其實天宇和家旻外形好合襯,扮情侶完全冇違和感。
拍這場戲齋扮sweet冇對白,兩人都估唔到要NG。
拍這場戲齋扮sweet冇對白,兩人都估唔到要NG。


天宇和家旻在《愛回家》演了3年兄妹,實在太入屋,所以當麥秋成找他們演情侶時,都覺得對方好大膽。他們都以為咁熟演情侶會好順利,想不到竟然尷尬。天宇說:「拍時阿成行開咗,cam man就畀啲指示我哋做啲Sweet動作,我哋兩個超級尷尬。」家旻再補充,「總之導演唔喺度就好尷尬,導演返嚟嘅時候,就話冇一個shot用得,要再嚟過,哈哈!」

微電影中,家旻和緋聞男友麥秋成一樣有不少談情戲。
微電影中,家旻和緋聞男友麥秋成一樣有不少談情戲。
去鳥取沙丘取景,家旻繼續落力做打雜,狂風下幫手攞水靴。
去鳥取沙丘取景,家旻繼續落力做打雜,狂風下幫手攞水靴。


超級打雜
在鳥取拍攝時,雖然好趕好辛苦,但天宇大讚有家旻變身超級打雜照顧大家,「佢喺有空檔時,就去幫大家處理所需,有啲劇照佢喺側邊幫手影相,仲會買嘢食,真係好貼心。」家旻補充說:「我仲買埋個Lunch畀你趕飛機上車食,我自費㗎!(陣間畀番你)」原來當日天宇拍到差點趕不到飛機,家旻說:「本身安排佢坐JR,最後over到大家研究究竟買過張機票,定係call的士送佢去大阪機場,但係嗰程的士係夠搭兩程飛機,好貴!導演好有錢,佢話『我畀』,盛惠7萬yen!(約5千港元)」問到家旻是否愛緋聞男友麥秋成,所以特別落力,她即澄清,「係呀!友情的愛!(怕唔怕緋聞加劇?)冇人寫咪唔加劇囉!佢搵我時我好快應承咗,但係應承完我都有諗過,唔會覺得有緋聞好怪㗎咩,呢頭出完單新聞嗰頭搵我拍喎!咁佢自己又OK冇乜所謂,我咪冇所謂囉!」

天宇和家旻12至15年連續3年在《愛回家》演兄妹。
天宇和家旻12至15年連續3年在《愛回家》演兄妹。

最新回應

關鍵字

相關新聞

熱門文章