加國回港強制家居隔離　廖碧兒上周閂酒吧避炎

剛從加拿大回港避炎的廖碧兒（Bernice），已在家中進行強制性隔離約一星期，她表示為穩陣起見，暫時也跟全屋狗狗分隔，並把自己鎖在房中趕Paper，三餐就靠工人姐姐煮好放在門口。今日Bernice亦於社交網貼出自拍及鮮花照，她以英文寫道：「I feel like I'm in a field of flowers...with a new bloom surprising me everyday!」似乎「閉關」的日子心情仍不俗。

對於政府宣佈今午6時起全港酒吧需停業14日，在中環開設酒吧Racks City的Bernice則向傳媒透露，酒吧早於禁制令實施前一星期，已關閉作內部裝修，預計3至4星期完成，故對酒吧生意影響不大，問到疫情是否嚴重影響生意？她說：「我哋酒吧開咗咁多年，差唔多係靠熟客，我哋都好照顧啲客，一開頭有疫情都特別清潔，提供消毒用品畀客人，不過當太危險、會影響健康嘅時候，我哋都一早決定閂門。喺閂之前，呢段時間大家都飛唔到，又唔會出門，所以少啲生意係正常嘅。」