星島日報

【頭條獨家】深水埗派口罩畀長者 范振鋒李思欣派到喊

2020-03-30 21:14
范振鋒、李思欣和公司藝人黃進林(右二)、鄭仲恒(右一)(前香港武術代表隊)齊齊入口罩及派口罩。
范振鋒、李思欣和公司藝人黃進林(右二)、鄭仲恒(右一)(前香港武術代表隊)齊齊入口罩及派口罩。

范振鋒喺疫情下工作量大減,就算冇工開,兩公婆都唔畀自己停落嚟,仲出錢出力落區派口罩,好有善心!雖然只係出點綿力,但公公婆婆非常開心,搞到兩公婆感動到眼濕濕!採訪:方騫平

范振鋒、李思欣和公司藝人黃進林(右二)、鄭仲恒(右一)(前香港武術代表隊)齊齊入口罩及派口罩。
范振鋒、李思欣和公司藝人黃進林(右二)、鄭仲恒(右一)(前香港武術代表隊)齊齊入口罩及派口罩。
阿范出錢又出力,親自運送物資畀有需要的人,勁有善心。
阿范出錢又出力,親自運送物資畀有需要的人,勁有善心。

之前范振鋒、李思欣聯同公司藝人黃進林、鄭仲恒低調去咗深水埗李鄭屋村派口罩畀長者:「佢哋最缺乏,亦係最需要呢啲物資,冇口罩就足不出戶。今次我哋同明愛鄭承峰長者社區中心合作,派口罩畀100戶長者,10個一包。為免長者要排隊辛苦,我哋先去中心入口罩,然後按資料入落信箱,由社工聯絡佢哋開信箱拎。」

阿范沿途派口罩畀老人家。
阿范沿途派口罩畀老人家。
思欣得閒會喺屋企做拉筋運動抗疫。
思欣得閒會喺屋企做拉筋運動抗疫。

仍有工開算好彩
洗完樓,眾人沿途再派畀一啲清潔工同執紙皮婆婆,「其中一個年紀較大嘅女工友話,公司每日只配給一個口罩,所以千多謝萬多謝我哋,仲祝福我哋健康,見老人家反應咁大,我同思欣感動到即時標眼淚,其實我哋只係好小嘅心意同力量,大家只係夾咗少少錢,換來人哋講足多次感謝,係意想唔到嘅事。」因此,阿范承諾會繼續做善舉,因為中心方面都想大家知道深水埗基層的苦況,需要多啲人關懷。

范振鋒在疫情下還有電台及娛樂公司工作,每周三日有工開,都好過食白果。至於思欣就好好彩,因為簽落兩個廣告,收咗訂金,稍後補拍。問到可會趁空檔來「造人」?阿范即耍手擰頭:「咁嘅時勢唔好住,搞掂自己先,等個世界好啲再算。」至於之前有份投資的飲食生意幾乎全部已退股,不受影響。

范振鋒、李思欣話市道唔好,經濟轉差,兩公婆暫時無意趁空檔「造人」。
范振鋒、李思欣話市道唔好,經濟轉差,兩公婆暫時無意趁空檔「造人」。

最新回應

關鍵字

相關新聞

熱門文章