星島日報

【平安返抵蘇格蘭】被喬嫂嫂隔離 喬寶寶獨霸大床「食自己」

2020-03-26 21:47
離港當天,「家姐」黑妹姐跟他食完farewell飯送他去機場。
離港當天,「家姐」黑妹姐跟他食完farewell飯送他去機場。

因為航空公司及航班問題,喬寶寶昨晚提前起程返蘇格蘭和家人團聚,現已安全抵步並在家中報平安,獨個兒瞓喺主人房大床的寶寶說:「平時隔離有喬嫂嫂,佢同我講話:『呢張床係你喇,呢14日你食自己啦!』哼!我同佢結咗婚30年,佢第一次同我講呢啲咁嘅嘢,冇辦法啦,大家都知道疫情比較嚴峻,老婆去咗同細仔瞓。」今次寶寶帶備大量抗疫物資返蘇格蘭,曾幫手做過義工的印度咖哩店老闆及郭秀雲齊齊送他口罩來防疫,部份用來轉送畀親人及鄰居。





平安到步啦!
平安到步啦!
英國戴口罩的人唔多。
英國戴口罩的人唔多。

提到蘇格蘭情況,他形容麻麻地,但都好過英國,倫敦未經歷過沙士,意識較薄弱唔興戴口罩,而且蘇格蘭地方大,酒吧又關咗,人與人之間感染比較少。

(左起)龐景峰、郭秀雲與喬寶寶在索罟灣沙灘執到成袋被棄置口罩。
(左起)龐景峰、郭秀雲與喬寶寶在索罟灣沙灘執到成袋被棄置口罩。
印度咖哩店老闆送他口罩來防疫。
印度咖哩店老闆送他口罩來防疫。

離港當天,「家姐」黑妹姐跟他食完farewell飯送他去機場,寶寶在社交網發文說:「家姐好有心,知我今晚要飛去英國,雖然呢排佢都冇嘢做,但都有嚟送機,畀封大利是我,佢話唔好咁多人,我哋兩個OK喇,多謝家姐。」黑妹姐回應說:「我都唔知講咩,13年喇,終於要離開我,不過佢好快會番嚟,希望疫情快啲過,最緊要返去一家團聚,大家都開心,小朋友身體健康,快啲抱孫,疫情過去,家姐嚟英國探你。」喬寶寶聽完後,搞鬼說:「你知𠵱家要隔離14日,我驚未抱孫,就做多次老竇,哈哈!喬嫂嫂係得嘅!大家加油呀!」

喬寶寶獨霸大床「食自己」兩周咁多啦。
喬寶寶獨霸大床「食自己」兩周咁多啦。

最新回應

關鍵字

相關新聞

熱門文章