【平安返抵苏格兰】被乔嫂嫂隔离 乔宝宝独霸大床「食自己」
2020-03-26 21:47 
因为航空公司及航班问题，乔宝宝昨晚提前起程返苏格兰和家人团聚，现已安全抵步并在家中报平安，独个儿瞓喺主人房大床的宝宝说：「平时隔离有乔嫂嫂，佢同我讲话：『呢张床系你喇，呢14日你食自己啦！』哼！我同佢结咗婚30年，佢第一次同我讲呢啲咁嘅嘢，冇办法啦，大家都知道疫情比较严峻，老婆去咗同细仔瞓。」今次宝宝带备大量抗疫物资返苏格兰，曾帮手做过义工的印度咖哩店老板及郭秀云齐齐送他口罩来防疫，部份用来转送畀亲人及邻居。
提到苏格兰情况，他形容麻麻地，但都好过英国，伦敦未经历过沙士，意识较薄弱唔兴戴口罩，而且苏格兰地方大，酒吧又关咗，人与人之间感染比较少。
离港当天，「家姐」黑妹姐跟他食完farewell饭送他去机场，宝宝在社交网发文说：「家姐好有心，知我今晚要飞去英国，虽然呢排佢都冇嘢做，但都有嚟送机，畀封大利是我，佢话唔好咁多人，我哋两个OK喇，多谢家姐。」黑妹姐回应说：「我都唔知讲咩，13年喇，终于要离开我，不过佢好快会番嚟，希望疫情快啲过，最紧要返去一家团聚，大家都开心，小朋友身体健康，快啲抱孙，疫情过去，家姐嚟英国探你。」乔宝宝听完后，搞鬼说：「你知𠵱家要隔离14日，我惊未抱孙，就做多次老窦，哈哈！乔嫂嫂系得嘅！大家加油呀！」
關鍵字
最新回应