終於病倒了伍詠薇傷風感冒要自我隔離

2020-03-22 16:44

新冠肺炎疫情肆虐，全城都小心防疫，對有上呼吸道病徵的就特別緊張，伍詠薇今天清晨喺社交網發文自爆病倒，留言：「終於病倒了......應該不是你們諗『中招』那款......希望，我係出名一條烈女......怕什麼.....今天自我全日隔離，But⋯⋯星期一至五做直播節目搵食就無選擇，因為我都係一個基層市民，要搵食做好份工，希望我嘅真正朋友出嚟為我打氣，就算係朋友唔會同我打氣，我都會記住你⋯⋯係咁！」她又指：「我伍詠薇乜都唔驚最怕冇錢無知己#我係我伍詠薇烈女一名#你以為你係第一名#唔好同我鬥你死硬。」

不過，伍姑娘生病前一日就去咗做facial，她貼出素顏相說：「成一個月無出去街做facial，打破自己紀錄（咁多年我都係保持每星期出外做一次），今日終於做到個靚facial，開心都忽得了，塊面大清洗，爽爆 #一星期化五日妝塊面好X污糟 #伍詠薇最鍾意唔化妝 #如果可以唔化妝做嘢就好啦。」原來伍姑娘作病都要靚。