【勁多廣告】《梨泰院CLASS》煞科 朴敘俊自爆剪咗42次栗子頭

仲有兩集，可追性極高，好睇到癲的《梨泰院CLASS》就嚟大結局，好唔捨得。尋日，劇集終於煞科，飾演男一朴世路的朴敘俊就拎住蛋糕同一班劇組人員影相留念，佢話：「小可愛們為最後的拍攝準備的驚喜，謝謝！愛你們。」真係好暖，另外佢又自爆劇集由19年8月26日開始籌備到拍攝至20年3月18日，拍攝六個月以來共剪了42次栗子頭。

而日前在記者會中，佢更透露：「六個月期間我都努力維持這個髮型，4天就要剪一次頭髮，每剪一次頭髮就想着朴世路的心情。」另外，大量朴敘俊的新廣告乘勢推出，有護膚品牌又有時裝及運動服裝品牌，全部都係栗子頭造型，各世路Fans要Save低嘞。