【維港會】惡斥無口罩爸戴兒童size 護士口硬心軟贈私伙貨

市面上口罩開始返貨，但價錢仍然偏貴。有醫護分享經歷，見到一位爸爸帶兒子來診所求醫，但爸爸無其他口罩，唯有戴住仔仔的兒童口罩。一個護士燥底大閙爸爸，令爸爸最後乖乖換口罩。不過這位護士其實是口惡心善，出藥給這對父子時，藥格裏還有自己的私伙口罩。

「診所低能奇觀」專頁有網民分享自己經歷，一對父子到診所看診，他望住眼前一個大男人臉大大，但口罩特別細，「顯得個口罩好掙扎」。他提醒這位爸爸應該要換口罩，但爸爸說「冇辦法，我得呢啲，我呢個都係佢戴咗一陣我再戴」。一旁的高級護士同事聽到，隨即拿出一個口罩叫他換，不過爸爸就硬頸拒絕，「唔駛呀，我呢個戴得幾好呀」。

結果護士同事大發雷霆，「你自己戴唔好保護唔到自己，你帶個仔嚟睇咩醫生啫，你呢頭帶個仔嚟睇醫生，嗰頭呢度啲人病你又病，你攞你個仔條命嚟較飛呀？」爸爸即時口啞啞，終於肯去換個成人口罩，望落舒服不少，同事也轉身離開。不過網民說，這位同事雖然語氣很惡，但其實「心口好淋」，到出藥時，更見到藥格入面有包她的私伙口罩。

網民都大讚「港女好惡，但又心地善良」、「好型呀高級同事」、「好有愛」，不過亦有網民關心口罩問題，「香港人真係好慘，明顯係買唔到平口罩又唔捨得買海鮮價」。