【頭條獨家】避「炎」有法 譚俊彥諗計陪仔女玩解悶 陳煒下廚煲靚湯男友受惠

2020-03-09 01:04
煒哥和Shaun兩個煮得之人,講起煮餸就傾唔停。
煒哥和Shaun兩個煮得之人,講起煮餸就傾唔停。

受疫情影響,劇集《法證先鋒IV》首周7天跨平台總收視高達35.7點,打破6年來首周7天跨平台總收視紀錄,身為主角的陳煒(煒哥)和譚俊彥(Shaun)近日更加落力出動宣傳。不過唔使宣傳日子,兩人坦言主力宅在家避「炎」,但唔怕悶,煒哥除睇書增知識外,仲會隔日落街買餸下廚煲湯,受惠者當然唔少得男友陳國強醫生;至於Shaun就主力陪對寶貝仔女做功課,仲會諗計同佢哋玩遊戲消磨時間,兩人都話會正面睇當多咗假期陪身邊人,同埋趁機洗滌一下心靈,為下套劇準備。撰文:杜淑霞 攝影:譚壹致

煒哥和Shaun都預計下半年會有工作,現在趁休息好好準備。
煒哥和Shaun都預計下半年會有工作,現在趁休息好好準備。
煒哥靚餸出名好味,這段宅家日子,她更會日日煮。
煒哥靚餸出名好味,這段宅家日子,她更會日日煮。

《法證》甫播出已有佳績,除了受疫情影響,當然劇集高質觀眾先會繼續捧場,跟煒哥和Shaun等演員努力當然有關,兩人都話拍攝時日日都好似考試一樣狂背書,Shaun話:「同埋(梅)小青姐唔畀改劇本,咁仲好可以好有系統去背。」不過煒哥仲多樣難度,「難度係實驗嗰啲,我讀書嗰時冇讀過化學,呢方面嘅嘢全部要掌握得好,做出嚟要畀觀眾睇到係純熟專業,但差唔多Lab嗰度最細微嘅嘢都係我做,因為唔知點解我哋呢Team人好多男仔都手震。」

太專業冇得拍拖
講到兩人初次合作,Shaun就大讚跟煒哥合作舒服,「大家都識得睇劇本,識講對白,同埋我同煒哥嗰段唔係小朋友嘅感情,佢之前有個男朋友鄭子誠,幾難做㗎追佢,係難處理,因為唔可能啱啱冇咗個男朋友,所以會拒絕我,內心戲反而仲難。」不過煒哥笑言,因為劇中三方面的調查人員都好專業,大部份戲都在工作方面,兩人冇乜機會拍拖。對於該劇是監製梅小青榮休之作,煒哥和Shaun雖然覺得可惜,但都想對方好好休息,煒哥話:「佢其實好唔乖,我哋拍到朝早8、9點,佢仲喺公司,又唔食嘢又唔瞓覺,佢喺廠暈咗幾次,所以見佢開心湊孫,過番啲舒服嘅生活,都戥佢開心。」

煒哥多了時間陪男友,陳醫生當然開心啦!
煒哥多了時間陪男友,陳醫生當然開心啦!
Shaun話每朝陪完仔女做功課,就會搵遊戲陪佢哋玩。
Shaun話每朝陪完仔女做功課,就會搵遊戲陪佢哋玩。

趁機洗滌心靈
談到近日疫情,煒哥和Shaun工作都大受影響,煒哥說:「停晒啦!呢排都係宣傳為主,大家同渡時艱啦!(有劇出但冇咗搵錢機會?)都冇辧法,大環境嚟,大家都辛苦。」Shaun話:「我本嚟要開套警匪劇,但因為要喺內地取景,所以都延遲咗,未知幾時開番。」

近日不用宣傳,兩人坦承都會留守家中避「炎」,不過兩人都有消閒方法,煒哥都承認多了時間陪男友陳醫生,而不用開工仲會去街巿買餸整番兩味同煲靚湯,當然男友都有份受惠啦!「我一買可能買一、兩日餸,啲菜都擺到兩、三日,肉就要新鮮啲。(Shaun:呢排啲菜都靚。)係呀!豬骨嗰啲就貴咗少少。(Shaun:所以我煲雞湯。)」兩人仲教大家煲咩湯水好,煒哥說:「𠵱家春天比較潮濕啲,可以飲啲去濕湯水,或者因為肺炎補吓個肺(Shaun:椰子煲雞。)係啦,椰子。」至於
Sean為了替4歲大女譚晴和兩歲細仔譚杺放電,都諗爆頭,「佢哋都話悶,同佢哋睇書玩吓遊戲。(有冇見爺爺嫲嫲?)隔離咗,少啲聚集好啲嘛!」難得有假期,兩人都好正面諗,Shaun話:「當係個機會畀自己沉澱吓,諗吓之前未做啲咩,我成日覺得5年係個總結,你入咗TVB都5年啦!」煒哥都好認同,「做得耐真係畀唔到啲特別嘅嘢出嚟,係憑感覺去做,其實趁機洗滌吓心靈都好㗎!」

呢排趁有時間,Shaun仲會親自下廚。
呢排趁有時間,Shaun仲會親自下廚。
劇中「Queen姐」和「King Sir」會由查案好拍檔發展成戀人。
劇中「Queen姐」和「King Sir」會由查案好拍檔發展成戀人。
煒哥話拍攝時兼顧超難記化學名詞,再加在Lab做實驗有一定難度。
煒哥話拍攝時兼顧超難記化學名詞,再加在Lab做實驗有一定難度。
相對於記案情的對白,Sean覺得揸槍容易得多。
相對於記案情的對白,Sean覺得揸槍容易得多。
煒哥話見到監製小青姐過退休生活,都戥對方開心。
煒哥話見到監製小青姐過退休生活,都戥對方開心。
兩人日前出席活動,先會順便出街走走。
兩人日前出席活動,先會順便出街走走。

最新回應

關鍵字

相關新聞

熱門文章