抱囝囝朗讀劇本當教學 香香:估唔到會做中文老師

2020-03-06 18:23
岑麗香講自己負責教囝囝中文都忍唔住笑。
岑麗香講自己負責教囝囝中文都忍唔住笑。

無綫新劇《BB大晒》首日開工,女主角岑麗香大嚷有點緊張。香香笑說:「好耐無講過廣東話,全屋都係講英文,得我一個講中文。」她坦言講廣東話有點生疏,現時看劇本會朗讀出來,希望咬字跟讀音有改善。除此之外,朗讀時香香更會抱著兒子Jacob,她笑說:「我希望囝囝吸收到中文,不過聽一陣就會郁嚟郁去,玩第二啲嘢。」

問是想兒子學廣東話?香香笑笑說:「希望佢學多重語言,愈多愈好。我負責教中文,老公中文差過我,估唔到我會做中文老師。」談到拍攝時可會不捨得兒子?她說:「都會唔捨得嘅,間唔中都會Face Time。拍唔拍返劇得都諗咗好耐,都同屋企人傾好晒,分配點樣照顧小朋友亦好人幫手。身邊有好多Working Moms,都畀咗好多鼓勵我。」

笑問拍攝時可會將兒子混人BB堆中,以解相思之苦?香香笑說:「劇中嘅BB大個我嘅BB,睇咗幾集劇本,知道大個咗點樣搵學校。好處係我可以從劇本中偷到師。」

另外,對手馬國明近日是非纏身,日前更有報道暗指唐詩詠懷有他的骨肉。問到馬明可有因是非影響工作?香香說:「今日都係第一日,都係見咗佢一面。我唔知道有咩新聞,最近都係睇劇本。」

最新回應

關鍵字

相關新聞

熱門文章