抱囝囝朗读剧本当教学 香香：估唔到会做中文老师

无綫新剧《BB大晒》首日开工，女主角岑丽香大嚷有点紧张。香香笑说：「好耐无讲过广东话，全屋都系讲英文，得我一个讲中文。」她坦言讲广东话有点生疏，现时看剧本会朗读出来，希望咬字跟读音有改善。除此之外，朗读时香香更会抱著儿子Jacob，她笑说：「我希望囝囝吸收到中文，不过听一阵就会郁嚟郁去，玩第二啲嘢。」

问是想儿子学广东话？香香笑笑说：「希望佢学多重语言，愈多愈好。我负责教中文，老公中文差过我，估唔到我会做中文老师。」谈到拍摄时可会不舍得儿子？她说：「都会唔舍得嘅，间唔中都会Face Time。拍唔拍返剧得都谂咗好耐，都同屋企人倾好晒，分配点样照顾小朋友亦好人帮手。身边有好多Working Moms，都畀咗好多鼓励我。」

笑问拍摄时可会将儿子混人BB堆中，以解相思之苦？香香笑说：「剧中嘅BB大个我嘅BB，睇咗几集剧本，知道大个咗点样搵学校。好处系我可以从剧本中偷到师。」

另外，对手马国明近日是非缠身，日前更有报道暗指唐诗咏怀有他的骨肉。问到马明可有因是非影响工作？香香说：「今日都系第一日，都系见咗佢一面。我唔知道有咩新闻，最近都系睇剧本。」