保良局張心瑜幼稚園高妙娥校長：「啦啦隊訓練有助提升幼兒自信心。」

好多家長都有一樣嘅疑問就係點解幼稚園小朋友要練啦啦隊呢？究竟練習啦啦隊有咩好處呢？

保良局張心瑜幼稚園高妙娥校長就話：「其實啦啦隊係一項唔使落場，但又可以擁有運動好處嘅活動，例如令動作更協調，提升健康，培養自信心等。」更加重要嘅係作為啦啦隊員，亦可以享受到運動當中嘅樂趣同刺激，小朋友可以學習團隊精神嘅重要性，同自己隊友一齊做出多項唔同嘅動作，帶嚟精采嘅表演，將熱情感染觀眾。高妙娥續指：「仲可以訓練小朋友嘅勇氣，再鼓勵他人勇敢向前，啦啦隊能產生咁樣嘅奇妙循環。」

保良局張心瑜幼稚園深深明白到，提早訓練小朋友成為啦啦隊隊員嘅好處遠比日後訓練嘅多，所以每年都會特別為幼兒開設啦啦隊訓練。以下係保良局張心瑜幼稚園多年嚟嘅總結，啦啦隊訓練對小朋友嘅好處：第一，培養動作協調，通過音樂同肢體動作嘅協調訓練，令幼兒更有節奏感。第二，鍛鍊毅力，從基本功開始訓練可以培養小朋友唔怕吃苦嘅精神，磨練堅強意志。第三，提高身體素質，啦啦隊需要一定的體力消耗，能提高身體抵抗力，減少生病機會。第四，提升合作能力，只有配合默契才能做出好的表演，由此培養幼兒的紀律和合作精神。第五，培養自信心，令幼兒不怯場，增強自信心同有更好嘅心理質素。第六，培養孩子嘅想像力，在啦啦隊嘅過程中能激發幼兒的想像力、創造力，尤其是自編自演嘅作品，可以促進幼兒智力發展。

啦啦隊係簡易嘅運動，雖然相比其他運動有人或會覺得唔算刺激，但其實對手腳靈活、身體協調同埋人際關係好有幫助。家長應鼓勵幼兒嘗試不同類型嘅運動，搵到自己嘅喜好，從而體驗運動嘅好處，等保良局張心瑜幼稚園同各位小朋友一齊「運動高飛」！

保良局張心瑜幼稚園
地址：荃灣大窩口村富靜樓208至214號
電話：2480 0662
Facebook專頁：https://bit.ly/3cBeSzq
電郵：[email protected]