【頭條獨家】被胞妹取笑身形似媽咪余香凝發奮減脂

2020-03-02 23:00

雖然受新冠肺炎疫情打亂晒手頭工作，但余香凝(Jennifer)話抗疫期間並冇白過，因為她如常去電台宣傳新歌《無得比》，其餘時間就留喺屋企溫書，還會做運動Keep Fit，為延期嘅處女演唱會做準備。日前她換上小背心，同妹妹余潔滢齊做運動，強身健體：「雖然改咗期暫時未知公司新安排，點都好啦，但機會係留畀有準備嘅人！」採訪：方騫平場地：V02 Fitness & Martial Arts @禮頓道

為保持最佳狀態開Show，日前Jennifer同妹妹去做運動，玩吓健身波收大腿、腰圍及手臂，Jennifer體能較好，而且較有恆心及耐力，妹妹就有啲姐手姐腳，Jennifer說：「事關好多人話我肥，有日我喺客廳換衫，妹妹瞓醒打開門見到我身形，佢以為我係媽咪，好hurt呀！媽咪都老老實實話我『做藝人算好肥』。冇計，我體質好易肥，唯有賴媽咪當年陀我陀得唔穩，要打十枝荷爾蒙針，所以搞到我𠵱家大大隻，唯一係身材比妹妹豐滿，不過，我寧願瘦。」