【头条独家】被胞妹取笑身形似妈咪 余香凝发奋减脂

2020-03-02 23:00
余香凝及余洁滢做运动时会互相提点。
余香凝及余洁滢做运动时会互相提点。

虽然受新冠肺炎疫情打乱晒手头工作,但余香凝(Jennifer)话抗疫期间并冇白过,因为她如常去电台宣传新歌《无得比》,其馀时间就留喺屋企温书,还会做运动Keep Fit,为延期嘅处女演唱会做准备。日前她换上小背心,同妹妹余洁滢齐做运动,强身健体:「虽然改咗期暂时未知公司新安排,点都好啦,但机会系留畀有准备嘅人!」采访:方骞平 场地:V02 Fitness & Martial Arts @礼顿道

Jennifer唔系骨感形,有少少肉仲好睇。
Jennifer唔系骨感形,有少少肉仲好睇。
余香凝好欣赏老板兼男神古天乐,最想合作拍戏。
余香凝好欣赏老板兼男神古天乐,最想合作拍戏。

为保持最佳状态开Show,日前Jennifer同妹妹去做运动,玩吓健身波收大腿、腰围及手臂,Jennifer体能较好,而且较有恒心及耐力,妹妹就有啲姐手姐脚,Jennifer说:「事关好多人话我肥,有日我喺客厅换衫,妹妹瞓醒打开门见到我身形,佢以为我系妈咪,好hurt呀!妈咪都老老实实话我『做艺人算好肥』。冇计,我体质好易肥,唯有赖妈咪当年陀我陀得唔稳,要打十枝荷尔蒙针,所以搞到我𠵱家大大只,唯一系身材比妹妹丰满,不过,我宁愿瘦。」

喺抗疫期间戴住口罩到电台宣传新歌《无得比》。
喺抗疫期间戴住口罩到电台宣传新歌《无得比》。
拍电影《非同凡响》演技获赞。
拍电影《非同凡响》演技获赞。

恨跟古天乐拍戏

最近余香凝推出的新歌《无得比》,由妹妹唱和音,两姊妹仲会喺稍后举行嘅音乐会上同台合唱,眼浅余洁滢说:「我最怕望住姐姐时喺台上会喊。」Jennifer笑说:「我唔够胆请老板古天乐上台合唱,有朝一日喺大舞台先,讲到终极最恨,就系想同佢拍戏。」

余洁滢最锺意打篮球。
余洁滢最锺意打篮球。
關鍵字

最新回应

關鍵字

相關新聞

热门文章