【維港會】蔣麗芸為蒸口罩「平反」 網民鼓勵要身先士卒

民建聯議員蔣麗芸之前教市民一招「清蒸口罩」應對口罩荒，成為城中熱話，網民實測發現口罩一蒸就爛，港大感染及傳染病中心總監何栢良亦抨擊「離晒譜」。事隔一個月，蔣麗芸今日再發片，搬出中港台科學驗證為自己「平反」，堅持口罩絕對蒸得過。

影片一開始，蔣麗芸慢慢除下口罩，重新講起蒸口罩法，是由內地中山大學教授提出，用攝氏100度高溫蒸口罩10分鐘消毒。蔣麗芸說，有人質疑高溫會破壞口罩內部結構，但台灣中山醫學大學和天津大學都實證，蒸過的口罩和未蒸的口罩結構差別不大。甚至香港標準及檢定中心檢測一批PFE超過95%的口罩，發現蒸了10分鐘的口罩，平均過濾力只下跌0.11%，證明蒸氣不會破壞口罩。「假如我哋必須重用口罩，高溫蒸氣消毒係一個可行嘅辦法。其實最緊要就係，我哋出街戴口罩。」

不過網民似乎不收貨，有人留言「唔好放棄治療」、「飯蓋都就黎撐爛」、「Ann姐好野！好欣賞你個種堅毅精神」、「你就身先士卒，唔好用新口罩啦」，更有人抽水「Ann姐可以考慮開設蒸口罩廠」。