【維港會】網店代購大批口罩慘遭棄單 熱心網民幫手清貨

口罩荒令市民四圍撲口罩，網上見到有可以獲得口罩的帖文，都即刻留言「兩盒thx」。不過近日口罩開始有供應，就出現棄單潮，有網店幫留言的700多個市民買到口罩，但到要收貨時就只有雙位數字的回覆，大批口罩被棄貨，令他大吐苦水。

網店「Loft_as_雜貨代購」在專頁發文，稱之前打算幫大家搶口罩，用成本價賣出，總共有700多個留言「2盒thx」， 但自己現在發出500個信息，回覆要口罩的只有幾十個，店主無奈表示「請原諒我，我投降唔再Send了」。他決定把這批棄貨以成本價賣出，60蚊12個，再請大家留言，「麻煩諗清楚真係需要先好2 pls」。

不過這批口罩很快就「All hold」，事因大批網民知道後，都紛紛留言「2包thx」幫手買走口罩，甚至有人一次要10包、20包，「加油呀，你仲有我哋呢啲top fan 支持你㗎」、「辛苦曬」，令店主非常感動。