星島日報

【頭條獨家】無悔出道全裸拍三級片 麥芷誼只望做個好演員

2020-02-24 15:03
擁有5呎7、40多吋長腿的麥芷誼,雖然不是標準靚女,但型格十足。
擁有5呎7、40多吋長腿的麥芷誼,雖然不是標準靚女,但型格十足。

麥芷誼繼初出道電影《同班同學》後,最近再跟導演陸以心合作《《Baby復仇記》,雖然上次是女主角,今次只屬配角,但她並不介意角色輕重,仲話同一班演員合作得好開心。對於15年全裸演三級片成名作《同班同學》,回想這個決定她依然冇後悔,更不會羡慕兩位拍檔廖子妤和郭奕芯發展比自己好,只望向好演員之路邁進。採訪:杜淑霞 髮型:Ming [email protected] Hair Studio 服裝:FlossyxFlossy 場地:HIVVY

陸以心(後)執導的《Baby復仇記》,令麥芷誼和DaDa、余香凝同王敏奕戲裏戲外都成為好友。
陸以心(後)執導的《Baby復仇記》,令麥芷誼和DaDa、余香凝同王敏奕戲裏戲外都成為好友。
15年,麥芷誼(右)跟廖子妤和郭奕芯全裸演三級片《同班同學》。
15年,麥芷誼(右)跟廖子妤和郭奕芯全裸演三級片《同班同學》。


今次在電影《Baby復仇記》,麥芷誼飾演陳靜的三個閨密之一,是位BB用品的售貨員,雖然戲份唔算多,但她一樣拍得開心,「我哋幾個演閨密嘅女仔,DaDa(陳靜)、余香凝同王敏奕大家好夾,好容易投入到,大家拍完都變咗好朋友。」但上次跟導演合作《同班同學》時,她是女主角,今次則是配角,她就絕對唔介意,「真係無所謂,冇話邊個角色重要啲。」

早前麥芷誼參與王貽興和劉翁製作的ViuTV劇集《黑巿》單元《斷片》演出。
早前麥芷誼參與王貽興和劉翁製作的ViuTV劇集《黑巿》單元《斷片》演出。
麥芷誼最感激媽咪一直支持她實現演員夢想。
麥芷誼最感激媽咪一直支持她實現演員夢想。


唔羡慕拍檔
不過入行4年,麥芷誼坦言經歷過低潮期,「嗰時拍完《同班同學》,有好長日子唔係咁多工作,好在我自己性格都算樂觀,同埋自己唔會覺得演員身份唔可以做其他嘢,我本身讀時裝設計,一路都有幫朋友賣衫幫補吓收入,而且屋企人都好支持我繼續追夢。」她特別多謝媽咪,由當年在《同班同學》全裸演出,到今日依然力撐,令她冇後悔當日決定,「依家再諗番,我都會咁樣做,因為機會真係好難得,同埋對演員嚟講,身體只係表演嘅一部份,想做個好演員就要豁出去。」對於同戲拍檔廖子妤和郭奕芯都先後簽約大公司,在圈中發展不俗,剛跟前經理人公司約滿的她未有羡慕,「每個人嘅路都唔同,作為好朋友我會好戥佢哋開心,我哋大家都有互相鼓勵,希望將來大家都會發展得更好。」

最新回應

關鍵字

相關新聞

熱門文章