【头条独家】无悔出道全裸拍三级片 麦芷谊只望做个好演员
2020-02-24 15:03 
麦芷谊继初出道电影《同班同学》后，最近再跟导演陆以心合作《《Baby复仇记》，虽然上次是女主角，今次只属配角，但她并不介意角色轻重，仲话同一班演员合作得好开心。对于15年全裸演三级片成名作《同班同学》，回想这个决定她依然冇后悔，更不会羡慕两位拍档廖子妤和郭奕芯发展比自己好，只望向好演员之路迈进。采访：杜淑霞 发型：Ming Leung@Chillworks Hair Studio 服装：FlossyxFlossy 场地：HIVVY
今次在电影《Baby复仇记》，麦芷谊饰演陈静的三个闺密之一，是位BB用品的售货员，虽然戏份唔算多，但她一样拍得开心，「我哋几个演闺密嘅女仔，DaDa（陈静）、余香凝同王敏奕大家好夹，好容易投入到，大家拍完都变咗好朋友。」但上次跟导演合作《同班同学》时，她是女主角，今次则是配角，她就绝对唔介意，「真系无所谓，冇话边个角色重要啲。」
唔羡慕拍档
不过入行4年，麦芷谊坦言经历过低潮期，「嗰时拍完《同班同学》，有好长日子唔系咁多工作，好在我自己性格都算乐观，同埋自己唔会觉得演员身份唔可以做其他嘢，我本身读时装设计，一路都有帮朋友卖衫帮补吓收入，而且屋企人都好支持我继续追梦。」她特别多谢妈咪，由当年在《同班同学》全裸演出，到今日依然力撑，令她冇后悔当日决定，「依家再谂番，我都会咁样做，因为机会真系好难得，同埋对演员嚟讲，身体只系表演嘅一部份，想做个好演员就要豁出去。」对于同戏拍档廖子妤和郭奕芯都先后签约大公司，在圈中发展不俗，刚跟前经理人公司约满的她未有羡慕，「每个人嘅路都唔同，作为好朋友我会好戥佢哋开心，我哋大家都有互相鼓励，希望将来大家都会发展得更好。」
最新回应